Clean Sri Lanka වැඩ සටහනට සමගාමීව බදුල්ල බස් නැවතුම්පොළ ක්‍රමවත්ව හා පිරිසිදුව පවත්වාගෙන යාම පිළිබඳ මගී ජනතාව දැනුවත් කිරීමේ වැඩසටහන 2025/05/15
ඌව පළාත් ආණ්ඩුකාරවර නිතිඥ කපිල ජයසේකර මහතාගේ උපදෙස් හා ප්‍රධාන ලේකම් මහේෂ් ලසන්ත ගම්මන්පිල මහතාගේ මග පෙන්වීමෙන් පළාත් සභාවේ අමාත්‍යාංශ,දෙපාර්තමේන්තු හා ආයතන ක්ලීන් ශ්‍රී ලංකා වැඩ සටහනට සමගාමිව පළාතේ වැඩ සටහන් රැසක් ආරම්භ කර තිබේ,පළාත් මාර්ග අමාත්‍යාංශය එහි එක් වැඩ සටහනක් ලෙස බදුල්ල බස් නැවතුම්පොළ ක්‍රමවත්ව හා පිරිසිදුව පවත්වාගෙන යාමට මගී ජනතාව දැනුවත් කරමින් ආකල්පමය වෙනසක් ඇති කිරීමේ වැඩ සටහනක් ලෙස විිදි නාට්‍යයක් හා ශ්‍රමදාන වැඩ සටහනක් 2025-05-15 දින පැවැතවිය.පළාත් මාර්ග අමාත්‍යාංශයේ ලේකම් සුනිල් අබේකෝන් මහතාගේ උපදෙස් මත අමාත්‍යාංශයේ සැළසුම් අධ්‍යක්ෂ වසන්ත බංඩාර මහතා ඇතුලු නිළධාරින් මෙම වැඩසටහන සංවිධානය කර තිබිණ.
Clean Sri Lanka ජාතික වැඩසටහන සමගාමීව කැලිකසල කළමනාකරණය වැඩසටහන ක්‍රියාත්මක කිරීම
වතු ආශ්‍රිත ප්‍රදේශවල ජනජීවිතය සහ පරිසරය ආරක්ෂා කර ගැනීම සඳහා කැලිකසල කළමනාකරණය මූලික අංගයකි. කෘෂිකාර්මික, නිවාස සහ කාර්මික කසල නිසි ලෙස කළමනාකරණය නොකළහොත් ජල දූෂණය, පසේ ගුණාත්මකභාවය පහළ යාම, සහ සෞඛ්‍ය ගැටළු මතුවිය හැක.ඒ අනුව පරිහරණයෙන් බැහැර කරන කසල මඟින් අහිතකර ප්‍රතිඵල රැසක් දායාද කර දෙයි.
- ජනාවාස අපවිත්‍රවීම
- ජල සම්පත දූෂණය වීම
- ස්වභාවික පරිසර පද්ධතියට හානි සිදුවීම
- විෂ සහිත අපද්‍රව්‍ය නිසා සෞඛ්‍යමය ගැටළු ඇතිවීම
- මීයන්, මදුරුවන්, මැස්සන් හා දඩාවතේ යන සුනඛයින් විශාල වශයෙන් බෝවීම හා එම සතුන් මඟින් බෝවන රෝග ව්‍යාප්ත වීම සිදුවේ.
ඒ අනුව ශ්‍රී ලංකාවේ වතු වගාවන් රට අභ්‍යන්තරයේ මධ්‍යම කඳුකරය කේන්ද්‍ර කොටගෙන ස්ථාපිත වී ඇති අතර, ප්‍රධාන වශයෙන් රටේ අභ්‍යන්තරිකව ගලා යන ප්‍රධාන ගංගාවන් මධ්‍යම කඳුකරය ආශ්‍රිත ජල රක්ෂිත තුළින් ආරම්භවීම විශේෂත්වයකි.
එසේ සිදු කිරීමේ අරමුණු ලෙස
- වතු ආශ්‍රිත ප්‍රදේශවල කැලිකසල කළමනාකරණයේ වත්මන් තත්ත්වය විශ්ලේෂණය කිරීම
- පරිසර හිතකාමී සහ තිරසාර ලෙස (sustainable) කැලිකසල කළමනාකරණ ක්‍රම හඳුනාගැනීම
- ප්‍රායෝගික සහ අඩු වියදම් ක්‍රමයක් සකස් කිරීම
- ප්‍රදේශවාසීන් හා වතු කළමනාකරුවන් දැනුවත් කිරීම සහ ප්‍රායෝගික වැඩසටහන් ක්‍රියාත්මක කිරීම.
ඒ අනුව වත්මන් රජයේ “පොහොසත් රටක් ලස්සන ජිවිතයක් ” යන තේමාව යටතේ ක්‍රියාත්මක කිරීමට යෝජිත ඉහත වැඩසටහනට සමගාමීව ඌව පළාත් වතු යටිතල පහසුකම් අමාත්‍යාංශය මෙහෙයවීමෙන් හා හපුතලේ ප්‍රාදේශීය ලේකම් කාර්යාලයේ මගපෙන්වීම යටතේ 2025-03-18 දින හපුතලේ ප්‍රාදේශීය ලේකම් කොට්ඨාසයේ ගල් කන්ද වතු කොටසේ කැළි කසල කළමනාකරණය පිළිබඳ දැනුවත් කිරීමේ වැඩසටහනක් හා පිරිසිදු කිරීමේ වැඩසටහන ඉතාමත් සාර්ථකව නිම කරන ලදී.
නව අමාත්‍යංශ ලේකම්තුමා සමඟින් 2025 වසරට සුභාශිංසන ගෙන එමින් නව වසරේ ආරම්භය සනිටුහන් කිරීම.
මාර්ග අමාත්‍යංශයේ සුභ සාධක සංගමය මඟින් සංවිධානය කරනු ලැබු අපේ අවුරුදු උත්සවය -18-04-2024
මාර් ග අමාත්‍යංශ සුභසාධක සංගමයේ වාර්ෂික සුහඳ හමුව -2023
75 වන නිදහස් දින උළෙල හා සමඟාමීව පැවති රුක් රෝපණ වැඩසටහන
75 වන නිදහස් දින උළෙල හා සමඟාමීව රට පුරා රුක් රෝපණ වැඩසටහන් ක්‍රියාත්මක කරන ලදී. ඊට සමගාමීව ඌව පළාත් මාර්ග සංවර්ධන ,නිවාස, ජලසම්පාදන හා සමුපකාර කටයුතු පිළිබඳ අමාත්‍යාංශයද රුක් රෝපණ වැඩසටහන් ස්ථාන තුනකදී ක්‍රියාත්මක කරන ලදී.
ඒ අනුව මෙම අමාත්‍යාංශයේ ජලසම්පාදන විෂය යටතේ ජල පෝෂක සංරක්ෂණය කෙරෙහි නිරන්තර අවධානය යොමු කර කරනු ලබයි. මෙම ජල පෝෂක ප්‍රදේශ සංරක්ෂණය කිරීම අරමුණු කරගනිමින් මෙම අමාත්‍යාංශයේ ප්‍රාදේශීය ලේකම් කොට්ඨාශ මට්ටමින් තොරතුරු රැස් කර ගන්නා ලදී. ඒ අනුව අදාළ ජල පෝෂක ප්‍රදේශ ආශ්‍රිතව පැල රෝපණය කිරීමට ඇති ඉඩකඩ , රෝපණය කරන ලද පැල ආරක්ෂා කර ගැනීමේ හැකියාව යන තත්වයන්ගේ යෝග්‍යතාව මත මෙම රුක් රෝපණ වැඩසටහන සඳහා කන්දකැටිය, පස්සර හා හාලිඇල ප්‍රාදේශීය ලේකම් කොට්ඨාශ ආශ්‍රිත ජල රක්ෂිත මේ සඳහා තෝරා ගන්නා ලදි.
ඒ අනුව 2023/02/03 වන දින කන්දකැටිය ප්‍රාදේශීය ලේකම් කොට්ඨාශයට අයත් ගලඋඩ පාසල අසල රක්ෂිතයේ රුක් රෝපණ වැඩසටහනක් ක්‍රියාත්මක කරන ලද අතර ඒ සඳහා කුඔුක් පැල 100 ක් මෙම අමාත්‍යාංශය මඟින් ලබා දෙන ලදී. කන්දකැටිය ප්‍රාදේශීය ලේකම් කාර්යාලය හා මෙම අමාත්‍යාංශයේ මඟපෙන්වීම හා අධීක්ෂණය යටතේ ප්‍රදේශවාසීන්ද සම්බන්ධ කර ගනිමින් ඉතා සාර්ථකව පවත්වන ලදී.
එමෙන්ම 2023/02/07 වන දින පස්සර ප්‍රාදේශීය ලේකම් කොට්ඨාශයට අයත් මීරියබැද්ද දඹේවෙල උඩඅරාව රක්ෂිතයේ රුක් රෝපණ වැඩසටහනක් ක්‍රියාත්මක කරන ලද අතර ඒ සඳහා කුඔුක් පැල 100 ක් මෙම අමාත්‍යාංශය මඟින් ලබා දෙන ලද අතර පස්සර ප්‍රාදේශීය ලේකම් කාර්යාලය මඟින් තවත් පැල වර්ග කිහිපයක් එම රක්ෂතයේ සිටුවීමට කටයුතු කරන ලදී. එයද ප්‍රදේශයේ ජනතාව හා අමාත්‍යාංශයේ නිලධාරීන්, ප්‍රාදේශීය ලේකම් කාර්යාල සම්බන්ධ කර ගනිමින් ඉතා සාර්ථකව ක්‍රියාත්මක කරන ලදී.
2022 වර්ෂයේ සේවාරම්භයට ප්‍රථමව පිරිත් සජ්ඣායනා කිරීම
74 වන නිදහස් දින සමරු උළෙල හා සමඟාමීව ඌව පළාත් මාර්ග සංවර්ධන,නිවාස,ජල සම්පාදන,වතු යටිතල පහසුකම් සහ සමුපකාර කටයුතු පිළිබඳ අමාත්‍යාංශය විසින් ක්‍රියාත්මක කරන ලද රුක් රෝපන වැඩසටහන
“අභියෝග ජයගත් ඉසුරුමත් හෙට දිනයක් සෞභාග්‍යමත් මව්බිමක් “ තේමාව කරගනිමින් 74 වන නිදහස් උළෙල හා 75 වන දියමන්ති ජුබිලිය අභිමානවත් අයුරින් සැමරීම අරමුණු කරගනිමින් රුක් රෝපණ වැඩසටහන් ශ්‍රමදාන ,ආක්‍රමණික ශාඛ ඉවත් කිරීමේ වැඩසටහන් රටපුරා පවත්වනු ලැබීය.
74 වන නිදහස් සමරු දින උළෙල නිමිති කර ගනිමින් ඌව පළාත්, මාර්ග සංවර්ධන, නිවාස, ජලසම්පාදන, වතුයටිතල පහසුකම් හා සමුපකාර අමාත්‍යංශය විසින්ද රුක් රෝපණ වැඩ සටහන් හා පැළ බෙදා දීමේ වැඩසටහනක් ක්‍රියාත්මක කරන ලදී.
ඌව පළාත්, මාර්ග සංවර්ධන, නිවාස, ජලසම්පාදන, වතුයටිතල පහසුකම් හා සමුපකාර අමාත්‍යංශය වෙත පැවරී ඇති විෂය පථයට අනුව ජලසම්පාදන විෂයට අදාළ ජල පෝෂක සංරක්ෂණය අරමුණු කර ගනිමින් ප්‍රාදේශිය ලේකම් කාර්යාල මට්ටමින් ජල පෝෂක පිළිබඳ තොරතරු රැස් කරගනිමින් මෙම ජල පෝෂක ආශ්‍රිතව පැල රෝපණය කිරිීමට ඇති ඉඩකඩ, රෝපණය කරන ලද පැල ආරක්ෂා කර ගැනීමේ හැකියාව යන තත්වයන්ගේ යෝග්‍යතාව මත මෙම පැල රෝපණය සඳහා හපුතලේ ප්‍රාදේශීය ලේකම් කාර්යාලය හා ලුණුගල ප්‍රාදේශීය ලේකම් කාර්යාලයට අයත් ජල පෝෂක රක්ෂිතයන් තෝරාගන්නා ලදී.
ඒ අනුව 2022/02/04 දින ජල පෝෂක සංරක්ෂණය අරමුණු කර ගනිමින් හපුතලේ ප්‍රාදේශිය ලේකම් කාර්යාලයට අයත් ග්ලැනෝර් අමුණුකැලේ ජල පෝෂක රක්ෂිතයේ පැල 200ක් රෝපණය කිරීමේ වැඩසටහනක් පවත්වන ලදී. මේ සඳහා අමාත්‍යංශය මඟින් අවශ්‍ය පැල ලබා දෙන ලද අතර හපුතලේ ප්‍රාදේශීය ලේකම් කාර්යාලය හා මෙම අමාත්‍යංශයේ අධීක්ෂණය යටතේ මෙම වැඩසටහන පවත්වන ලදී.
2022/02/08 දින ඌව පළාත්, මාර්ග සංවර්ධන, නිවාස, ජලසම්පාදන, වතුයටිතල පහසුකම් හා සමුපකාර අමාත්‍යංශය විසින් අමාත්‍යංශ භූමියේ පැල රෝපණය කිරීමේ වැඩසටහනක් හා අමාත්‍යංශයේ සියළු නිළධාරීන් හට තම ගෙවතු හෝ නිවෙස් ආශ්‍රිත රක්ෂිතවල සිටුවීමට සුදුසු පැල බෙදාදීමේ වැඩසටහනක් පවත්වන ලදී.
ලුණුගල ප්‍රාදේශීය ලේකම් කාර්යාලයට අයත් වැරැල්ලපතන ඉහළ ජල පෝෂක රක්ෂිතයේ ද පැළ සිටුවීමේ වැඩසටහනක් 2022/02/10 දින පවත්වන ලද අතර මෙම අමාත්‍යංශය හා ලුණුගල ප්‍රාදේශීය ලේකම් කාර්යාලයේ අධීක්ෂණය යටතේ මෙම රක්ෂිතයේද පැල 150ක් පමණ රෝපණය කරන ලදී.
හපුතලේ ප්‍රා.ලේ.කො. ග්ලැනෝර් අමුණුකැලේ ජල පෝෂක රක්ෂිතයේ පැල සිටුවීමේ වැඩසටහන 2022/02/04
ලුණුගල ප්‍රා.ලේ.කො. වැරැල්ලපතන ඉහළ ජල පෝෂක රක්ෂිතයේ පැල සිටුවීමේ වැඩසටහන 2022/02/10
